Turnip Benefits

شلجم سے نزلہ، زکام، کھانسی کا علاج: یہ ایک ایسی مقبول سبزی ہے جس نے اپنی طبی افادیت کے سبب دنیا بھر میں شہرت حاصل کی جسے ہر طبقہ اس کی بہترین اور صحت مند غذائیت کی وجہ سے اپنے پکوانوں میں شامل کرتا ہے۔ شلجم کے سُوپ کے حیرت انگیز طبی فوائد ہیں۔ شلجم کے صحت کے لئے تو بے شمار فوائد موجود ہیں ہی لیکن ساتھ ہی خصوصی طور موسم سرما میں اس کے سُوپ کا استعمال نزلہ زکام کھانسی سے مکمل نجات دیتا ہے۔ شلجم بینائی کو تیز اور پیشاب کی تکلیف کو دور کرتا ہے، قبض، کھانسی، پتھری اور جوڑوں کے درد میں یہ مفید غذا ہے۔ اس کا اچار ذود ہضم ہوتا ہے۔ یہ کیلوری میں کم ہوتے ہیں لیکن غذائیت کے لحاظ سے زیادہ ہوتے ہیں۔ شلجم میں فائبر اور وٹامنز اور فولیٹ (بی وٹامنز) کے ساتھ ساتھ مینگنیج، پوٹاشیم، میگنیشیم، آئرن، کیلشیم اور کاپر جیسے معدنیات سے بھرے ہوتے ہیں یہ فاسفورس اومیگا تھری فیٹی ایسڈز اور پروٹین حاصل کرنے کا بھی اچھا ذریعہ ہیں۔ شلجم کا سوپ بنانے کی ترکیب: ایک چٹکی میتھی دانہ۔ سنا مکی کے سات عدد پتے۔ ایک چٹکی کالی مرچ کا پاؤڈر۔ چار جوے لہسن۔ درمیانے سائز کی پیاز کے ٹکڑے۔ اس کے بعد دو عدد شلجم ایک چٹکی لونگ کا پاؤڈر اور حسب ذائقہ نمک لیں۔ ان تمام اشیاء کو آدھا لیٹر پانی میں ڈال کر اچھی طرح ابال لیں اور اس کو ٹھنڈا کرنے کے بعد بلینڈ کرکے رکھ لیں۔ عام طور پر اس کا ذائقہ بچوں کو پسند نہیں آتا لیکن دوا کے طور پر دن میں تین چمچ پلائیں۔ اس کے علاوہ بڑی عمر کی مرد و خواتین دوپہر کے وقت پیئیں لیکن اس کے اوپر پانی بالکل نہیں پینا ہے، انشاءاللہ تین دن میں نزلہ زکام اور شدید کھانسی سے نجات مل جائے گی۔

---